Proclamatie Prins Jan d’n 5e

 

Wïj Prins Jan d’n Vijfde, 51e Prins Karnaval 2023, bïj de grasie van alle Waggelaars, Waggelarinnen en Fieftig-plussers.

Opvolger van d’n onvergèètelukke Prins Ben d’n Urste.

 

 

 

 

 

Gebo.re en Getoo.ge ien de Looi of te wèl de Gennepse Hei op de Kaort. Vroeger Ootersom en nao veul strijd ien 1973 geannexeerd dör de Gemènte Gennep. As a.ldste van un boere-gezin. De Lègere schôl mit succes dur loope ien Gennep an de Brugstraot. Nao dat ik bej Thei.ke Hendriks ien de zaol mien Prinses Marian gevonden heb zien we ien Gennep an d’n Heijenseweg gaon woo.ne Dor hebbe we ‘t 14 jaor uut gehal.de en zien we uut-eindelijk wèr ien de Looi op mien alderlijk huus terecht gekomme.

Ienmiddels 48 jaor gelukkig getrouwd mit mien Prinses en vaoder van unne doch.ter en unne zoon en vereerd mit unne schônzoon en twee kleinkiender.

45 jaor ge-é.rbèjd ien alles wat mit ie.zer vandoe.n hèd. Maor ôk al ruum tie.n jaor mit pesjoen. Dor bej tee.le we same al fieftig jaor èrdbèère en hèbbe we mit veul plezier al beka.nt dertig jaor camping de looi.erheide.

Maak de volgende benoeminge bekend

As Prinses mien èège Marian

As Vorst, Pieter Lamers

As Urste adjudant, Ben Stoutjesdijk

As Twèdde adjudant, Ben Martens

As Schorrie, Jack van Unen

As Pages, Annelies van Ginkel & Dèsirèè Teunissen

 

Vör dizze vastelaovend worde de volgende 11 regels uutgevaordigd;

 

1e       Vur deez daag gèn èrdberen en gèn camping gasten, en tot as-woensdag hoefde ôk nie te vas.ten

2e       Tis host nie te gleuve dat we er nao 2 jaor mit Vastelaovend vol tège an meuge

3e       Zurg dat ôw ore van de dorst nie gaon hange, wat dur is bier zat um dèt te ondervangen

4e      ’t zal ôk de kommende tied zo màr kunne gebeure, da gè ’t liedje van de toreador zult heure

5e       Mit de vastelaovend kunde ôw wel laote gaon mar zurg wel dat gè op ôw bee.n kunt blieve staon.

6e       Mien Prinses, Adjudanten, Vorst, Schorrie, Pages en de Raod zie.n deez dààg

           mien steun en toeverlaot

7e       Mit oon.s hele team zulle we oon.s regelmaotig ien de kroeg laote zien

8e       Mit de vastelaovend kun.de ôw zur.ge beter laote bezinke, en dur beter enne op drin.ke

9e       As ge mit de vastelaovend mar goe.d dut bloeft drèje, dan zal de crisis ôk gauw over wè.je

10e     De Waggelaars zien nog lang nie verslète, dat zul.de giellie mit de vastelaovend allemaol gaon wète

11e      We make mit me.kaor van 2023 un fantastisch jaor

 

Opgemakt en afgemakt op Maondag d’n Negénde Jannewaorrie ien ‘t Jaor 2000+2 x 11+1 = 2023

 

Laot ‘t ter krölle, van Gennep tot ien Kölle