Proclamatie Prins Hein d’n Urste
Wèj, Prins Hein d’n Urste, Prins carnaval 1983 van de Waggelaars, bej de grassie van alle Waggelaars en 65-plussers, iezersterreke opvolger van oonze geweldige Prins Piet d’n Twèdde, grootheerser, ovver den Pottenhoek en de Olliestraot, beschermheer ovver ’t aalste huus, met zien trapgevels, van Europa, gevoonde tussen ’t aald iezer ien Siengewaald, ongewasse tussen de smoekelaars en bessembienders, ontdekt en angekocht dör de meulestraot as hoofdversierder van alles wat ter veurkumt.
Laot weete an alle vastelaovendsgekke die nog gleuve, de volgende benoeming te hebben uutgevaordigd:
As mien Prinses: Coba Kersten
As urste adjudant: Piet Smits
As twèdde adjudant: Jacob Wientjes
As schorriemorrieméster: De Moutméster Toon Jaanse
Verder blieft alles zeás ’t was en heb ik de volgende proclamatie uutgevaordigd:
1).Iedereen die mot ienleevere, kan dat vanaf merrege bej oons doen.
2).Mar goed dat de Waggelaars ok enne stap trug motte, waant vöruut get nie mer.
3).Die meense die de letste jaore de kerrek nie mer hebbe kunne viende, die kunne now wer terecht, now ze ien ’t leecht stet.
4).Duut ow glas vol op tied, dan get ter ok genne kastelein faijiet.
5).Wej hóópe dit jaor nog naor ons bejaarder-soos te kunne gaon, wej hebbe now lang genoeg op straot gestaon.
6).Der motte dit jaor ok daansmarietjes bej de Waggelaars komme, mit rééchte been, gen kromme.
7).Den Burger wil wer alle hens an dek, mar de Waggelaars zien nie gek.
8).De pil motte mar nie ze veul mer haole, waant ge mot vort enne riks betaole.
9).Blief mar uut de buurt van ’t petersmuseum aanders douwe ze ow der ok nog ien.
10).Der wördt ien Gennep veul gestaöle, bej oons nie, daor is niks te haole.
11).Deenk nooit bej ’t letste vel, den nao mien keumt der red zich wel.
Aldus vörgeleze en d”r oollie goed begreep, Gedaon te Gennep den 31e januwaori 1900+7×11+6
Mien leus vö deez daag is:
Mak veul plezier, dreenk genoeg mar wor nie zat, dan hedde nao de carnaval ok nog wat.