Proclamatie van Z.D.H JubileumPrins Gerwin 1e
33e Prins van C.V. “de Waggelaars”
We.j Prins gerwin d’n 1e, be.j de grasie van alle Waggelaars en 55 plussers.
Opvolger van o.nzen lebèndige Prins Wiel den 3e.
Gebaore vanuut Gennep, ien ’t ziekenhuus ien Nimwége, ien ’t jaor 1945.
Al 33+2 jaor gelukkig getrouwd mit mien Prinses Nellie uut Mill, kómmende as zuevende uut ennen né.st van elf.
Same drie kiender grootgebrocht, waorvan den urste ien ’t oprichtingsjaor van de Waggelaars en al grötste Opa en Oma van drie kleinkiender.
As rasechte carnavalist ien hart en niere, al ien 1961 Jeugdprins gewèst be.j de Coloradokévers.
Be.j de allerurste zitting van ’t Bombakkes ie “de buut”gestaon be.j Piet van Nöl.
Jaorelang actief lid gewé.st van de Raod van Elf van ’t Bombakkes.
Grootheerser aover vrollie en kè.ls, mit en zo.nder höör.
Stoj al 4 x 11 laor als kapper dagelijks mit de ha.nd ien ’t höör.
Googelaar mit Pruuke, kamme en sche.re.
Beschermheer aover kwa.ste vör höörverf en gewo.ne verf.
Eigenaar van ennen gro.te vogel, den ok kan proate.
Laote wete an alle vastelaovendgekke die dit wille heure en goe.d o.ntha.lde, de volgende benoemingen te hebbe gedaon:
As mien Prinses, mien eige Nellie, die a.ltied helemaol achter mien stèt.
As mien urste adjuda.nt, Wiel Derks.
As twédde adjuda.nt, Toon Beelen.
As schorriemorriemèèster, Frits Roosenboom alias “de Kiep”.
Verder blieft alles ze-as ’t was en heb ik de volgende regels uutgevaordigd;
1e 33 Jaor Waggelaars ien stèdje Gennep, ’t wördt ’n moie boel mit heelveul gejoel.
2e Carnaval hier-carnaval daor, we.j zien der allemol vör klaor.
3e Oonze carnaval wördt mit versta.nd dördacht en uutgevoerd.
4e Daorum houwe we.j op de tróm, o.nze carnaval lèt van zich heure, ien allerlei kleure.
5e De Waggelaars hebbe ok hun stre.ke en now ok nog neje ste.ke.
6e De po.st lèt oons moi verrèkke, ze gaon mit ’t po.stkantoor vertrèkke.
7e Gaot dees carnaval goed uut den bol, as ow höör mar goe.d zit.
8e Mak mit de vastelaovend plezier en schik, dan hèdde ennen echte carnavalstik.
9e Ha.lt ow conditie goe.d op piel, a.nders hangde der straks be.j as ennen dwiel.
10e Al kiekte mit de carnaval ok ’n bietje raor, ’t keumt mit aswoensdag wel wèr vör mekaor.
11e Carnaval ien Gennep, Bombakkes, Waggelaars en Coloradokévers motte we ien ere ha.lde vör al oons naokommelingen.
Mien leus vör dees daag is:
33 jaor Jubileum Waggelaars,
Jubel mit, Feeste, Hosse, springe en zingen,
En laot ’t ter Krölle van hier tot ien Kölle.
Aldus vörgelé.ze en god begrepe,
Gedaon te Gennep op 2 x 11 + 5 jannewaorie ien 182 x 11 + 1 = 2003.