Proclamatie Prins Gerrit den Twèdde
Wèj Prins Gerrit den Twèdde, Prins carnaval 1981, bèj de grasie van alle Waggelaars en 65-plussers, energieke opvolger van oonze sympathieke Prins Jacob d’n Urste, Grootheerser ovver d’n Balkan en de Picardej, Beschermheer van de stoomtram van de Maasbuurtspoorweg, Ridder van de golde ploeg van de Page, Sinte Mèrte ien ’t Geeld, gezète op ’n péérd, gebore ien de Panoven, ien de vörrige krieg, loate weete an alle vastelaovondgekke die ’t wille heure, de vollegende benoeminge:
As mien Prinses, mien eige Anna van Langhorst
As urste adjudant: Den Stöker, alias Wim Phillipse
As twèdde adjudant: De Papiermaoler, alias Jacob Wientjes
As schorriemorriemèster: De Moutmèster, alias Töntje Janssen
Verder blieft alles ze-as ’t was en heb ik de volgende proclamatie uutgevaordigd:
1).De priorieteiteliest van de gemeente zal vort dör de bejaarde worre vastgesteld.
2).De sahara vör de weverflat mot achtermekaor beplant worre.
3).Iedereen mot enne stap trugdoen, behalve wèj, dat hèbbe we vroeger al duk zat gedaon.
4).Ien ’t weenkelcentrum motte borde komme te hange, want ’t is zö groot geworre, da ge de weg kwiet rakt.
5).Alle bejaarde motte an ’t werk, anders kriege ze de Kwien nooit klaor.
6).Den Déke mot ut puin uut zienen hof verkoope, en de opbrengst vör Pasoor Celie zien kerk besteeje.
7).De sluutingstied van de kafees keumt dit jaor te vervalle, ze zien vort dag en nacht los.
8).Op de n`jje Niersbrug motte veul banke komme v:or oons,aanders zien wèj nie alles.
9).Reundjes géve meude alleen as ge eiges ok dorst het.
10).Der keumt ’n bantje vrèj, um iedere dag de soplichte te repariere op de ovverweg.
11).Alle geld wa nao de carnaval nog ovver is, keunde stortte ien de kas van oons foons vör ’n gemeenschapshuus vör de bejaarde.
Aldus vörgeleze en goed begrepe, gedaon te Gennep den 23 fibruwaorie 1900+7×11+4
Mien leus v:or deez daag is:
Gaot op tied uut en op tied naor bed, want deez daag zien um vördat ge ‘t wet