Proclamaasie Prins Theo d’n Derde, Prins Carnaval 1990 van de Waggelaars.
Beej de graasie van ale Waggelaars en 60 plussers.Energieke opvolger van oonzen Prins Toon d’n twedde.
Gebaore ien Nimwége, mar wönt al 40 jaor ien oonze stad Gennep, as zoon van zien vaoder dén sneejer was.
Al 40 jaor getrouwd mit Prinses Riek, de dochter van de snuupkesweenkel van Gerrits op de zaandstraot.
Grootheerser over van alles wat ter georganiseerd is en wördt ien Gennep-zuid.
Beschermheer van de Norbertuskerk en ’t buurthuus “Van Oons”.
Ex penningmèster en jeugdvörzitter van oons aller Vitese.
Urste Waggelaarprins uut de parochie van oonzen eige Norbertus,
van ’t genneperhuus.
Laote wete an alle Waggelaars, de volgende benoemingen:
As mien Prinses, mien eige Riek uut de snuupkesweenkel.
As urste adjudaant: Wim Willems.
As twedde adjudaant: Toon Hofmans.
As schorriemorriemèster: Theo Peters.
Verder blieft alles ze-as ’t was en vaordige weej de volgende proclamaasie uut:
1)’t Neeje gemeenschapshuus ien zuid mot ter dit jaor komme te staon, zoonder pardon
2)Alle Waggelaars die der now nog zien motte blieve tot ’t jaor 2000.
3)Carla die mot ok mar beej oons komme, kan ze nogal wat aald grei beejèn zien.
4)De kerk mot de Groes verkope um huus te kunne bouwe, zien wej vort van ’t geschoj van den dééke af
5)Weej wille tegge de raodsverkiezing gén beloftes en moie leuze mér ien de bus, die komme toch nie uut.
6)’t Meug dit jaor nie te veul règene, want der kieke toch al zeveul meense zoer.
7)Der zulle wat café’s beej motte komme, now hebbe we nog host gèn kaans mer um fatsoenluk af te braande.
8)Nie alleen de kleefseweg, mar ok ien en néven ’t waald motte goeie fietspaaje komme.
9)Gillie hoeft ‘m niemér te kniepe dat de rus zal komme, volgens oons zien die meense dat ok nooit van plan gewést.
10)Iedere Waggelaar mot mitwerke an ’t miljeu, dus vort mar èns per dag naor ’t huuske.
11)’t Afgebròke pakhuus van “de Knip” meug nie mèr opgebouwd worre, de holtstraot kiekt now veul moier.
Aldus vörgeléze en dör allemol goed oonthaalde, gedaon te Gennep, 1 x 11 + 1 febrewaorie 1900 + 8 x 11 + 2.
Mien leus vör dees daag is:
Duut hin en mak veul schik, dreenk nie te veul waant daorvan kriede den hik. Zörg dat ge heel tuus koomt mit z’n alle, dan zal merrege den dag ok wel mitvalle.