Proklamaasie Prins Nico d’n Urste

Wïj Prins Nico d’n Urste, Prins Karnaval 2018, bïj de grasie van alle Waggelaars, Waggelarinnen en Fieftig-plussers.
Opvolger van d’n onvergèètelukke Prins Hans d’n Urste.

Gebaore ien de Loodstraot en getooge ien de stad Génnep en de maos. Zoon van Wim en Maartje Bottenberg en al 36 jaor getrówt mit mien Wilma die ik bïjna 4×11 jaor geleeje ien Groesbèk heb leere kenne. Vaoder van twee geweldige zoons, mit twee mojje schöndochters en trotse opa van mar liefst zes klèènkiender; Alicha, Luuk, Mitch, Tess, Meis en Joëlla.

Al vèrtig jaor werkzaam as voeger, waorvan vierentwintig jaor as zellufstandige.
Jaorelang aktief gewést vör Vitesse as leider bïj de jeugd en de senioren. Ien die tied heb ik ôk de nodige pötjes mögge flui.te as scheidsrechter.
Al zes jaor aktief lid van de Waggelaars ien diverse commissies en twee keer tot adjudant benoemd.
Mede initiatiefnemer en organisator van ‘t Sjoenkelfest op de karnavalsdinsdag.
Medeorganisator van het nèje seniore karnavalsbal same mit KBO, GON en Zonnebloem.
Bïj ‘t Bombakkes lang ’t prinseroaje geregeld same mit ex-prins Willie en opzetter van ’t prinseroaje bïj de Waggelaars, waorvan de opbrengst naor de rolstoelbus van Norbertus gèt.

Ik kom tot de volgende benoeminge:
As Prinses mien èège Wilma
As Urste adjudant Michiel Ponjee
As Twedde adjudant Peter van Ginkel
As Schorrie Willy Arts
As Vorst Gert-Jan van de Lest
As Pages Desiree en Annelies

Vör dizze vastelaovond worde de volgende 11 regels uutgevaordigd:
1e Nao weeke van lie.ge, spanning en vol stress staon wïj vör ollie klaor as Prins en Prinses.
2e Laot ’t er ien Gennep krölle, zolang onze “bötjes” de dansvloer vulle.
3e Voe.ge is now vör efkes gedaon; mit karnaval gaon wïj d’r al daag teegenèn.
4e Same verheu.ge wïj o.ns op ènne moije tied en hoope da gillie d’r ovveral bïj ziet.
5e As ge de auto toch mot laote staon, kunde bèter, én vör niks mit de fiets gaon.
6e As de joekskapelle hun noote laote kli.nke; urst de polonaise ien en dan d’r same ènne dri.nke.
7e Grote, kleine ,jonge of a.lde; mit trots motte altied van o.ns Gennep blieve haalde.
8e Social media laote wij vör wat ‘t is; mit gezellig praote en effe buurte is niks mis.
9e As ge niks wilt misse en alles mit wilt maake, motte pas as létste afhaake.
10e Al vuule die a.lde botte stief en stram, sluut toch bïj onze polonaise èn.
11e Al wort ’t deez daag nog zo laot; wïj vertrówe op o.ns team en de Waggelaarsraod.

Opgemakt en afgemakt 2000 + 1×11 + 7 = 2018 dizze tied!!!