Proclamasie van Prins Leo den Urste van de Waggelaars 1985
Weej, Prins Leo den Urste, Prins Carnaval 1985 beej de graasie van alle Waggelaars en 65 plussers, gebóóre ien de gèèle zaand, as “Lin van Jan van Moetje op de Högt”drek nao den ursten weltkrieg, zelfstandige opvolger van oonze charmante Prins Bert den Urste, berùcht beschermer van de Looi en vörvechter vör un kerrek van Paoter Celie, al 66 jaar den urste bewoner van de roofvogelburt, gezèteld ien Villa “de Högt”, jaorelang spersie-teuler vör Hotel de Kroon en Piet van Nöl, laote wete an alle vastelaovendgekke,
de volgende benoemingen te hebbe uutgevaardigd:
As mien prinses: mien ège Tiny, un aovermasse klepboks,
As mien adjudant: Gerrit Weijers,
As twedde adjudant: Bert Look,
As schorriemorriemister: Theo Velemans.
Verder blieft alles zoas ut was en hèb ik de volgende proclamasie uutgevaardigd:
1.V”r de kerrek van Paoter Celie zètte weej alles op zun kop, dus den oonderste steen bòòve,
2.Mit de carnavalsdaag hoefde gen gruunte te betaole, kom beej mien mar geschaote slaoj haole.
3.Now der gen neej brug kumt, motte we mit zun alle iets aanders zuuke um ovver te nöle.
4.Nie ovver de Gennepse Meule, waant dè wurt un huus vör veule.
5.Ge meugt nie mèr ien de règen laope waant dan godde zoer kieke.
6.De kepèl van ut kloster meuge zu grust sloop,dès vör oons toch te wiet loope.
7.Now ut gebouw van de soociaale zaake klaor is, zulle dur wel gen cente mèr zien um uut te kere.
8.As ge ow rèkeing nie mèr keunt betaole, godde mar nor de RSV, die kieken nie op un par mujard van oons.
9.Hotel de Kroon is wèr ien goeie haand, vör oons zien dus de zörrige an de kaant.
10.As ge gèr wa ground hèt, godde mar nor de gemènte, die hebbe nog zat aover.
11.Ien ut recreeasiesentrum van Sporthuus Centrum motte ok huuskes vör de bejaarde komme, en nie te duur.
Aldus vörgelèze en d”r ollie allemaol goed begreep,gedaon tu Gennep dun vierde Fibrewaorie, 1990+(7×11)+ 8.
Mien leus vör dees daag is:
“Loat ut gaon, laot ut gaon,
Dur meug niemand an de kaant believe staon”