Proklamaasie Prins Hans d’n Urste

Wïj Prins Hans d’n Urste, Prins Karnaval 2017, bïj de grasie van alle Waggelaars, Waggelarinnen en Fieftig-plussers van Génnep.
Opvolger van d’n onvergèètelukke Prins Michiel d’n Urste.

Gebaore en getooge op de Klös ien ’t Kölle van Gelderland, mien èège Groesbèk. Mit de Carnaval bïj Hotel de Kroon ’n meidje van Noy lèère kénne en daornao uut Génnep nojt mér weggegaon. Nou al haost 40 jaor mit o.ns Wil getrówd en trotse vaoder van twee prachtige bla.ge; mien do.chter Karin, ollie bekend van de Roze Vogels en zoon Jos, al ’n par jaor raodslid van ’t Bombakkes. Ok bin ik blïj mit mien schönzoon Simon uut Oeffelt.
Al bijna 40 jaor én ‘t wérk as expeditiechef bïj de verzinkereej ien Mook.
25 Jaor lid en bestuurslid gewést van “Vrijheid en Broederschap”.
Lid van de club van honderd bïj Vitesse 08. Jaore lang jeugdleider gewést en ôk nog efkes vlagger bïj de veteraone.
Lid van buurtvereniging Loodstraot en al de zoveulste Prins uut deez prinsestraot.
Al sinds jaor en dag lid van vriende- en carnavalsclub “De Ripkes”.
Lid van de Simsonclub Holland umdat ik ummundig gér doe sleutele en a.lde brommers.
Vriend van ’t Bombakkes en nog nie zo lang geleeje toegetreeje tot o.nze Biersocieteit “De Toertel”.

Ik kom tot de volgende benoeminge:
As mien Prinses; mien èège Wil
As Urste adjudant; John Janssen
As Twedde adjudant; Ger Noy
As buutegewoon Derde adjudant; mie.ne zoon Jos
As Schorrie; Willy Arts
As Vorst; Gert-Jan van de Lest
As mien Pages; Gerrie en Desiree

Vör dizze vastelaovond wörde de volgende 11 regels uutgevaordigd:
1e Wϊj ma.ke d’r ’n moj feestje van, net zolang tot niemand mér kan.
2e Dat ’t mit knoïje en zèmmele is gedaon. O.ns motto is dan ôk; laot ów lekker gaon.
3e Wïj vie.nde ’t fantastisch um De Waggelars te mögge regeere, zo.nder ôk mar iemand te negeere.
4e Wïj gaon genie.te van heel veul zinge, umdat De Waggelaars vörtaan hun èège liedjes uutbringe.
5e Dat ‘r mit Carnaval gèn verschil is tusse rang en stand, min.se mit veul of wènnig verstand.
6e Da wïj mit de Carnaval nie hoeve te lïjne, de kilo’s zulle dör ’t veule hosse vanèèges verdwïjne.
7e Facebook en zo is misschien wel oké, mar mit Carnaval zien wïj ollie liever ien ’t café.
8e As de joekskapelle hun leedjes laote kli.nke, gaon we urst ien polonaise en daornao lekker dri.nke
9e Vier de Carnaval mit ’n knipoog en ’n lekker pötje bier, dan hedde alle daag plezier.
10e Al zie.de a.ld da wil niks zegge, as vieftig plussers hoeve wïj ons zeker nog niks te ontzegge.
11e Dat wïj d’r sa.me ’n onvergèètelek jaor van gaon ma.ke, umdat wïj mit de Vastelaovend èn de
Waggelaars ovver ollie wa.ke.

Opgemakt en afgemakt 2000 + 1×11 + 6 = 2017 dizze tied!!!